#MeToo अभियान हे लोकांनी पीडितांचे ऐकून घेतले तर यशस्वी होईल - सुष्मिता सेन

तनुश्रीने केलेल्या नाना पाटेकरांवरच्या आरोपसत्रानंतर बॉलिवूडमधील बरीच मोठी नावं #MeToo प्रकरणात सध्या येत आहे.

नानांनंतर सध्या आलोकनाथ, सुभाष घई सारख्या अभिनेत्यांवरही आरोप करण्यात आले आहेत. याबाबत मत व्यक्त करत सुष्मिता सेन म्हणाली की, "लैंगिक अत्याचाराविरोधात #MeToo हे सुरू झालेलं अभियान तेव्हाच यशस्वी होईल जेव्हा लोकं पीडित व्यक्तीचं ऐकून घेतील. जरी हे अभियान हॉलिवूडपासून सुरू झालं असलं तरीही याकडे दुर्लक्ष करून चालणार नाही. हे ऐकून बरं वाटतं की, महिला आता आपल्यावर झालेल्या लैंगिक अत्याचाराबद्दल स्पष्ट बोलत आहेत. समाजाचा हिस्सा असल्यामुळे लोकांनी पीडित महिलांची गोष्ट ऐकली पाहिजे. त्याकडे दुर्लक्ष करून चालणार नाही. हे अभियान तेव्हाच काम करेल जेव्हा पीडित महिलांच लोकं ऐकतील."