पिंपरीत कँडल मार्च

हिंजवडी, कासारसाई येथे मागील आठवड्यात दोन अल्पवयीन शाळकरी मुलींवर नराधमांनी बलात्कार केला होता. या दुर्घटनेत एका मुलीचा मृत्यू झाला. या घटनेत मृत्यू झालेल्या मुलीला श्रद्धांजली वाहण्यासाठी अन्याय अत्याचार विरोधी कृती समिती पिंपरी चिंचवड शाखेच्या वतीने आणि शहरातील इतर सामाजिक संस्था संघटनांच्या वतीने गुरुवारी (दि. २७) पिंपरीत कँडल मार्च व श्रद्धांजली सभेचे आयोजन करण्यात आले आहे.

कँडल मार्चचा मार्ग पिंपरीतील डॉ. बाबासाहेब आंबेडकर पुतळा चौक येथून गोकूळ हॉटेल, शगुन चौक, कराची चौक, रिव्हर रोड, झुलेलाल मंदिर येथील पवना घाट असा आहे. या कँडल मार्च मध्ये व पवना घाटावर आयोजित श्रद्धांजली सभेत नागरिकांनी उपस्थित रहावे असे आवाहन करण्यात आले आहे.