अमृता सुभाषचे हिंदी सिनेमात पदार्पण...
झोया अख्तर दिग्दर्शित 'गली बॉय' चित्रपट लवकरच प्रेक्षकांच्या भेटीला येणार आहे. या चित्रपटाचे पोस्टरदेखील अभिनेत्री आलिया व अभिनेता रणवीर सिंग यांनी आपल्या सोशल मिडीया अकाउंटवर शेअर केला होता. या चित्रपटातील विशेष गोष्ट ती म्हणजे यामध्ये एक मराठमोळी अभिनेत्री रसिक प्रेक्षकांना पाहायला मिळणार आहे. ती अभिनेत्री म्हणजे अमृता सुभाष. अमृता कायमच एक उत्तम अभिनेत्री म्हणून ओळखली जाते. तिने देखील आपल्या फेसबुक अकाउंटवरुन पोस्टर आणि प्रदर्शनाची तारीख जाहीर केली आहे. तिने या फोटोसोबत असे देखील लिहिले होते की, १४ फेब्रुवारीला चित्रपट प्रेक्षकांच्या भेटीला येणार आहे. रणवीर, आलियासोबत काम करताना फार मजा आली, असे म्हणत तिने आपला आनंद व्यक्त केला आहे. 'गली बॉय' या चित्रपटात मुंबईतील रस्त्यांवर राहणाऱ्या मुलांच्या परिस्थितीचा संघर्ष दाखवला जाणार असल्याचे म्हटले जात आहे. या चित्रपटाच्या निमित्ताने अमृताला हिंदी सिनेमातून बघण्याची रसिक प्रेक्षकांना उत्सुकता लागेल हे मात्र नक्की!
https://www.instagram.com/p/BsNY7XSBMzS/?utm_source=ig_share_sheet&igshid=17hhe5xd2czum
https://www.instagram.com/p/BsGE4saBqyD/?utm_source=ig_share_sheet&igshid=1mvkuozdtn998
