अभिनेत्री ऋतुजा बागवेला मुंबै गौरव पुरस्कार प्रदान करणार !
जीवनाधार फाऊंडेशनच्या वतीने मुंबै भूषण, जीवनाधार जीवनगौरव आणि मुंबै गौरव पुरस्कार आयोजीत केले जातात. हे पुरस्कार कला, क्रीडा, संस्कृती, उद्योग, राजकारण, सामाजिक कार्य, पत्रकारिता, शैक्षणिक, सामाजिक कार्य करणाऱ्यांना देउन त्यांचा गौरव करण्यात येतो. या पुरस्कारांची घोषणा करण्यात आली आहे. त्यानुसार अभिनेत्री ऋतुजा बागवे या पुरस्काराची मानकरी ठरली आहे.
अभिनेत्री ऋतुजा बागवे 'नांदा सौख्यभरे' या मालिकेतून घराघरात पोहोचली. ती कायम तिच्या अभिनयाने रसिक प्रेक्षकांना आकर्षीत करत असते. तिच्या अभिनयाची तारीफ अनेक दिग्गज मंडळींनीही केली आहे. तिच्या अभिनयाचा ठसा तिने नाट्यरसिकांच्याही मनावर कोरला आहे. आता यंदा आयोजीत केलेल्या मुंबै महोत्सवात तिच्यासह अनेकांना या पुरस्काराने सन्मानित करण्यात येणार आहे.
यंदाचे पुरस्कार अभिनेते डॉ. अमोल कोल्हे, ऋतुजा बागवे आणि ज्येष्ठ पत्रकार विनायक पात्रुडकर यांच्यासह डॉ. पोपट गरुड, खासदार अनिल देसाई, आमदार सुनील शिंदे, प्रवीण दरेकर, श्याम रहाटे, डॉ. अशोक शिवडीकर, बाळ गोसावी, सचिन परब, सुजाता पाटेकर, अजय कौल, धनंजय कमलाकर, महादेव खैरमोडे, मुरजी पटेल यांना प्रदान करण्यात येणार आहेत. हा महोत्सव 1, 2, 3 जानेवारी रोजी प्रभादेवीच्या रवींद्र नाटय़ मंदिरात सायंकाळी 7 वाजता आयोजित करण्यात आला आहे.
