अभिनेत्री रसिका व आदितीचा हटके व्हिडिओ अल्बम

'माझ्या नवऱ्याची बायको' या मालिकेत गमतीशीर अंदाजात कटकारस्थान करणारे मालिकेतील शनाया व ईशा या दोघी अगदी हटके अंदाजात प्रेक्षकांच्या भेटीला येणार आहेत. त्यांची मालिकेतील मैत्री सर्वांनीच पाहिली आहे. तसाच मैत्रीशी निगडित अशा गाण्याच्या व्हिडिओ अल्बमसाठी त्या सध्या एकत्र काम करत आहेत.

५ ऑक्टोबरला 'यू अँड मी' हा व्हिडिओ अल्बम रसिकांच्या भेटीला येणार आहे. अभिनेत्री रसिका सुनील व आदिती द्रविड या दोघीही या व्हिडिओमध्ये आपल्याला पाहायला मिळणार आहेत. सध्यातरी आदितीने आपल्या या गाण्याच्या चित्रिकरणावेळीचा एक व्हिडिओ इन्साटाग्रामवर शेअर केला आहे. त्यात त्यांच्यासोबत नृत्य दिग्दर्शिका फुलवा खामकर देखील आहे.

https://www.instagram.com/p/BoOt80-gaCO/?utm_source=ig_embed