तुझ्या बापाच्या मढ्यावर ठेव; राष्ट्रवादीने फुलं देऊन स्वागत केलं, ब्राह्मण महासंघासोबत तुफान राडा

राष्ट्रवादी काँग्रेसचे आमदार अमोल मिटकरी यांनी ब्राह्मण समाजाबद्दल केलेल्या वक्तव्याच्या निषेधार्थ पुण्यातील डेंगळे पुलाजवळ अखिल ब्राह्मण महासंघाकडून आंदोलन करण्यात आले होते. तर राष्ट्रवादी काँग्रेसच्या कार्यालयाजवळ जाऊन अखिल ब्राह्मण महासंघाकडून मंत्रघोष करण्यात येत होता. त्यावेळी राष्ट्रवादी काँग्रेस आणि ब्राह्मण महासंघाचे कार्यकर्ते आमने-सामने आल्याने तणाव निर्माण झाला होता. राष्ट्रवादी काँग्रेसच्या नेत्या रुपाली पाटील स्वत: बुके आणि केळी घेऊन तिथे दाखल झाल्या. राष्ट्रवादी आणि ब्राह्मण महासंघासोबत वादावादीमधे फुले दिल्यानंतर ब्राह्मण महासंघाच्या कार्यर्तीनं तुझ्या बापाच्या मढ्यावर ठेव असा संताप व्यक्त केला. मात्र त्यानंतर निर्माण झालेल्या परिस्थितीमुले ब्राम्हण महासंघाने आंदोलन गुंडाळले.