भगवा दहशतवाद हा खरा आहे - स्वरा भास्कर

...तर पोलीस ठाणे अथवा कुठेही बॉम्ब फेरणाऱ्यांना दहशतवादीच म्हटले जाईल. यांनासुद्धा फाशीची शिक्षा होणार का भगवा दहशतवाद हा खरा आहे, अशा शब्दांत बॉलिवूड अभिनेत्री स्वरा भास्कर हिने ट्वीटरच्या माध्यामातून केरळमधील परिस्थितीवरुन आरएसएस आणि भाजपावर टीका केली आहे.

शबरीमाला प्रकरणावरुन केरळमध्ये तणावाची परिस्थिती असून महिलांनी मंदिरात प्रवेश केल्याचा विरोध दर्शवण्यासाठी मोठ्या प्रमाणात निदर्शने-आंदोलने करण्यात आली. या आंदोलनांना हिंसक वळण मिळाले असून केरळमधल्या नेडुमांगडू पोलीस ठाण्यावर चार गावठी बॉम्ब फेकण्यात आले. पोलिस ठाण्यावर गावठी बॉम्ब फेकणारे व्यक्ती आरएसएसशी संबंधित असल्याचे वृत्त आहे. या वृत्ताचा दाखला घेत स्वरा भास्करने सोशल मीडियावरून आरएसएस आणि भाजपावर टीका केली आहे.

एकंदरित शबरीमाला महिला मंदिर प्रवेशामुळे राज्यात सुरू असलेल्या हिंसक आंदोलनावरुन केरळचे मुख्यमंत्री पिनरई विजयन यांनीसुद्धा राष्ट्रीय स्वयंसेवक संघावर निशाणा साधला होता. आरएसएसनं केरळला वॉर झोन बनवून ठेवलं आहे, अशी टीका त्यांनी केली होती.