MaxMaharashtra Impact : NCP कार्यकर्ते शफिक शेख यांना रोहित पवार यांनी केली मदत
विभागाचे अध्यक्ष शफिक शेख यांच्या घरात पाणी शिरलं होतं. यामध्ये त्यांचा पूर्ण संसार वाहून गेला होता. अशा परस्थिती शफीक शेख यांनी कुणाकडेही तसंच पक्षाकडेही मदत मागितली नाही.
या दरम्यान ज्येष्ठ पत्रकार रफिक मुल्ला यांनी शफीक शेख यांची भेट घेतली असता त्यांची पक्षाप्रतीचे कार्य आणि अतिवृष्टीमुळे निर्माण झालेली सद्यस्थिती यावर मॅक्स महाराष्ट्रवर
https://www.maxmaharashtra.com/max-blog/ncp-leader-sharad-pawar-honest-karyakarta-in-trouble-1005323
भाष्य केलं होतं. आमदार रोहित पवार यांनी या वृत्ताची दखल घेत मदतीचा हात पुढे केला. शफिक शेख यांना फोन करून परिस्थितीचा आढावा घेत त्यांनी वॉशिंग मशिन देऊन मदत केली आहे. मदत मिळाल्यानंतर शफिक शेख यांनी मॅक्स महाराष्ट्राचे आभार व्यक्त केले आहे. ते म्हणतात,
रफीक सर आणि आपण माझ्याबद्दल असणारी व्यथा आपण जनतेच्या आणि नेत्याच्या समोर मांडल्यामुळे आज शरदचंद्रजी पवार साहेब यांचे नातू आमदार रोहित पवार यांनी वॉशिंग मशीन पाठवून दिली आणि वास्तविक पाहता वस्तू पेक्षा त्यांचा फोन येणे म्हणजेच त्यांनी दखल घेतली हेच माझे भाग्य.. जीवनाच्या शेवट पर्यंत समाजसेवा करत असताना आपले असेच सहकार्य लाभो ही विनंती आपला फार फार आभारी आहे. असं मत व्यक्त केलं आहे.
दरम्यान रोहित पवार यांच्या कार्यालयाशी आम्ही या संदर्भात बातचीत केली असता, त्यांना इतरही मदत केली जाणार आहे. त्यांची मुलगी राज्यसेवेचा अभ्यास करते. तिच्या अभ्यासासाठी देखील मदत केली जाणार असल्याचं रोहित पवार यांच्या कार्यालयाकडून स्पष्ट करण्यात आलं आहे.
