६० वर्षात प्रथमच महिला  ‘डॉग हॅंडलर’ 

पोलीस दलात अनेक अवघड गुन्हांच्या तपासात श्वान पथकांची भूमीका नेहमीच महत्वाची राहिली आहे. मुंबई पोलिसांच्या याच श्वान पथकाचे यंदाचे हे हीरक महोत्सवी वर्ष असून या साठ वर्षाच्या ईतिहासात पहिल्यांदाच महिलांची नेमणूक करण्यात येणार आहे. श्वान पथकात श्वानांची देखभाल करणाऱ्यांना ‘डॉग हॅंडलर’ असं म्हटलं जातं. श्वान पथकात ‘डॉग हॅंडलर’ म्हणून १२ महिलांची नियुक्ती करण्यात येणार आहे. या निवडीसाठी सुरूवातीला ईच्छुक महिलांची नावे मागवण्यात आली. आलेल्या अर्जातून एकूण १२ महिलांची निवड करण्यात आली असून सध्या पुणे येथे त्यांचे प्रशिक्षण सुरू आहे. अशी माहिती संरक्षण शाखेचे पोलीस उपायुक्त प्रशांत कदम यांनी दिली आहे.