माजी नगरसेवक महेंद्र मोरे यांच्यावर गोळीबार हल्ला; जळगावातील घटना सीसीटीव्ही मध्ये कैद

जळगावमधील चाळीसगावमध्ये भाजप पक्षाचे माजी नगरसेवक महेंद्र मोरे यांच्यावर अज्ञात हल्लेखोरांकडून गोळीबारातून हल्ला झाल्याची घटना समोर आली आहे. चाळीसगाव शहर पोलीस ठाण्याच्या हद्दीत ५ अज्ञात हल्लेखोरांनी मोरे यांच्यावर जीघेणा गोळीबार केला. ही घटना घडल्यानंतर चाळीसगाव शहर पोलीस ठाण्याचे अधिकारी व कर्मचारी हे घटनास्थळी तात्काळ दाखल झाले.

प्राप्त झालेल्या माहितीनुसार, चाळीसगाव शहरातील माजी नगरसेवक महेंद्र मोरे यांच्यावर गोळीबार करत जीवघेणा हल्ला करण्यात आला. या घटनेमुळे शहरात एकच खळबळ उडाली आहे. ही घटना देवरे रुग्णालयासमोर बुधवारी संध्याकाळच्या सुमारास घडली असून ही घटना सीसीटीव्हीमध्ये कैद झाली आहे.

हनुमानवाडीतील आपल्या कार्यालयात महेंद्र मोरे हे बसलेले असताना हल्लेखोरांनी त्यांच्यावर गोळीबार केला. मात्र यामागचे नेमके कारण अद्याप स्पष्ट झाले नाही. या घटनेची गंभीर दखल घेत चाळीसगाव पोलीसांनी चौकशी मोहीम हाती घेतली आहे.