कोकणातील आपत्तीचे व्यवस्थापन करणार: राज्य मंत्रिमंडळाचा महत्त्वाचा निर्णय

तौक्ते आणि निसर्ग चक्रीवादळाने गेल्या सलग दोन वर्ष कोकणपट्टीचे अपरिमित नुकसान केले होते.मुख्यमंत्री उद्धव ठाकरे यांच्या दौऱ्याचा पासूनच विरोधकांनी सत्ताधाऱ्यांना मध्ये मोठ्या प्रमाणात कोकणाच्या आपत्तीवरून आरोप-प्रत्यारोप झाले होते.

तौक्ते चक्रीवादळामुळे किनारपट्टीवरील जिल्ह्यात झालेले नुकसान विचारात घेवून कोकण आपत्ती सौम्यीकरण प्रकल्प या नावाने कोकणासाठी हा विशेष कार्यक्रम राबविण्यात येणार आहे. या प्रकल्पांतर्गत सुमारे 3 हजार 200 कोटी पैकी 2 हजार कोटी रुपये राज्य आपत्ती सौम्यीकरण निधीतून खर्च करण्यास आणि उर्वरित 1200 कोटी रुपये पुढील 4 वर्षात (सन 2022-25) राज्याच्या निधीतून राज्य सरकार उपलब्ध करून देणार आहे.

या प्रकल्पात क्षमता बांधणी आणि पूर्वतयारी तसेच सौम्यीकरण निधीचा योग्य व सर्वसमावेशक वापरासाठी 4 वर्षासाठी आराखडा तयार करण्यात येणार आहे. व त्याच्या प्रभावी अंमलबजावणीसाठी प्रकल्प संनियंत्रण गट (Project Monitoring Unit) व सल्लागारांची नियुक्ती राज्‍य सरकार करणार आहे. त्यासाठी होणारा खर्च क्षमता बांधणी व पूर्वतयारीसाठी उपलब्ध निधीच्या 7 टक्के मर्यादेत व सौम्यीरकणासाठी उपलब्ध निधीच्या 3 टक्के मर्यादेत राज्य योजनेमधून विभागास मंजूर होणाऱ्या तरतूदीतून खर्च केला जाणार आहे.

दरवर्षी वाढत चाललेल्या कोकणातील आपत्तीला हा कार्यक्रम किती पुरा पडेल हा प्रश्न अद्यापही अनुत्तरित आहे.