#Sensex : xxx दम असेल, खोल खिसा असेल तरच....

काल सेन्सेक्स १४५० अंकांनी कोसळून ५२,८५० वर बंद झाला आहे ; सात लाख कोटींचे बाजारमूल्य हवेत उडून गेले ; पोस्ट वाचाल तोपर्यंत ही बातमी शिळी झाली असेल. परकीय संस्थाच नाही तर अनेक गुंतवणूकदार इक्विटीमधील आपल्या गुंतवणुकी काढून घेत आहेत ; त्यामुळे शेअर निर्देशांक कोसळत आहेतस अजून कोसळतील. हे एवढ्यात थांबणारे नाही

खाली दिलेल्या ग्राफमध्ये गेल्या वर्षभरातील सेन्सेक्स कसा चढला, कोसळला याचे चित्र आहे

ऑगस्ट २०२१ : ५२,००० पासून चढत

ऑक्टोबर २०२१ : ६२००० खाली येत

परत डिसेम्बर २०२१ : ५६,००० पासून चढत

जानेवारी २०२२ : ६१,००० खाली येत

मार्च २०२२ : ५३,००० पासून चढत

एप्रिल २०२२ : ६०,००० प्लस

जून २०२२ : ५३,०००

हा काय लहान मुलांच्या अम्युजमेंट पार्कमधील रोलर कोस्टर खेळ नाही मित्रांनो

लाखो कोटी रुपयांचा खेळ आहे हा ; काही गोष्टी लक्षात घ्या

१. सेन्सेक्स ज्यावेळी वर जातो आणि खाली येतो नंतर पुन्हा वर जातो हे काही गुरुत्वाकर्षणासारख्या नैसर्गिक शक्तीने नाही ; ते मानवी एजन्सीज अतिशय सजगपणे करतात ; म्हणजे शेअर्सची खरेदी-विक्री कोणत्या शेअर्सची, किती शेअर्सची, केव्हा हे कोणीतरी ठरवते

२. सेन्सेक्स वर गेल्यावर सर्व शेयर्स वर जातात, सर्वांचा नफा होतो ; सेन्सेक्स खाली आल्यावर सर्व शेअर्स खाली येतात आणि सर्वांचे नुकसान होते असे कधीच नसते.

३. शंभर टक्के रिटेल गुंतवणूकदार फक्त कॅश सेगमेंटमध्ये व्यवहार करतात ; तर संस्थात्मक गुंतवणूकदार आणि हाय नेटवर्थ व्यक्ती एकाचवेळी कॅश आणि डेरिव्हेटीव्हमध्ये खेळतात; त्यामुळे त्यांचा नफा / तोटा एकत्रित पणे बघतात ; आणि तीच शास्त्रीय पद्धत आहे

६२,००० सेन्सेक्स असतांना तुम्हाला जी लोक सल्ला देत होती की शेअर्स अजून वर जातील घ्या ; ती त्यावेळी स्वतःचे शेअर्स विकत असतील ; सेन्सेक्स ५६,००० आला ,मग तुम्हाला भीती वाटली की अजून खाली जाईल , म्हणून तुम्ही आहेत ते शेअर्स तोटा पत्करून विकले असतील तर याच लोकांनी याच लोकांनी तुमचे शेअर्स विकत घेत सेन्सेक्स ६१,००० वर नेला , मग परत विकले , मग परत खरेदी केले

प्रत्येक चांगली बातमी पेरली जाते , बातमीला साखर लावली जाते ; प्रत्येक वाईट बातमीला तिखट , कडू लावले जाते ; घबराट पसरवली जाते रक्तरंजित खेळ आहे हा ; xxx दम असेल , खोल खिसा असेल, जोखीम घेण्याची पैशाची ऐपत असेल तरच उतरा ; नेहमीचे नैतिक जजमेंट पास करू नका