प्रत्येक ठिकाणी अस्मिता जागवण हा मूर्खपणा - संजीव चांदोरकर

काय उकडायला लागलंय राव ! ऑक्टोबर मध्ये फक्त कॉटनचे शर्ट्स घालणार मी आता ; चांगले दोनतीन कॉटन शर्ट्स विकत घेणार आहे सर , कॉटन शर्ट्स विकत घेणार असलात तर मार्केट मध्ये बरेच ब्रँड आहेत पण फक्त "कॉटन किंग" ब्रॅण्डच विकत घ्या ,

का बाबा ?

"कॉटन किंग" आपल्या मराठमोळ्या प्रदीप मराठे यांचा आहे ; आणि आपण मराठी माणसांनी मराठी उद्योजकांना त्यांचा माल विकत घेऊन प्रोत्साहन दिले पाहिजे या मतावर मी पोचलो आहे; गुजराती , मारवाडी आणि अशाच नॉन मराठी उद्योजकांनी दादागिरी करून मराठी माणूस , मराठी उद्योजक मुंबईतुन आणि आता महाराष्ट्रातून हद्दपार केला आहे / करत आहेत

हि तुझी भावना मला कळते ; प्रोत्सहन म्हणून एखाद्या मिशनला देणगी देणे समजू शकतो , पण मालाची क्वालिटी चांगली आणि किंमत वाजवी असेल तरच कोणीही तो माल स्वतःहून विकत घेईल असे नाही तुला वाटत ; कॉटन किंग चांगला असेल तर मी नक्की घेईन , तो मराठी उद्योजकाने बनवला म्हणून नक्कीच नाही

________

योगायोगाने प्रदीप मराठे यांची दादर मध्ये गाठ पडली आणि हा विषय निघाला

ते म्हणाले मुंबईत / महाराष्ट्रात कोणी कॉटन किंग चे मराठी उद्योजकाने बनवलेला शर्ट म्हणून जाहिरात करत असेल तर ते आमच्या कंपनीच्या फायद्याचे आहे हे मी कसे नाकारू

हि बातमी मुंबई / महाराष्ट्रापुरती मर्यादित कशी ठेवायची हा माझा प्रॉब्लेम आहे ; कारण मी तामिळनाडू , कर्नाटक , आंध्र , तेलंगणा , केरळ मध्ये मोठ्या प्रमाणावर विक्री केंद्रे उघडत आहे / उघडणार आहे , कोट्यवधी रुपयांची गुंतवणूक आहे

आणि तेथे अनुक्रमाने तामिळ , कन्नड , तेलगू , मल्याळी भाषिकांनी हे हत्यार बुमरँग केले तर ? त्यांनी असा प्रचार केला कि मराठी लोक फक्त कॉटन किंग शर्ट घेतात तर आपण का नाही फक्त तामिळ , कन्नड , तेलगू , मल्लू उद्योजकाचे शर्ट्स घ्यायचे

_______

यात शर्ट्सच्या ऐवजी अजून कोणते प्रोडक्ट घाला , प्रदीप मराठे यांच्या ऐवजी अजून कोणत्याही मराठी उद्योजकाचे नाव घाला आणि पुन्हा एकदा पोस्ट वाचा

प्रॉब्लेम प्रदीप मराठ्यांचा नाहीये ; अर्थव्यवस्थांच्या इतिहासाकडे तोंड करून बसलेल्या लोकांचा आहे एकदा का भावनिक ,या अस्मिता असे चष्मे लोकांना विकले कि प्रत्येक प्रश्नाकडे लोक त्याच चष्म्यातून बघणार ना भाऊ ; आणि मराठीच का महाराष्ट्रातील जाती निहाय , प्रांत निहाय उद्योजक प्रोत्साहन दिले पाहिजे इथपर्यंत जाणार

हि तीच लोक आहेत प्रदीप मराठे शर्ट बनवताना कापड , धागा , बटणे , पॅकिंग , मशिन्स , मानवी श्रम , वित्त / कर्ज / भांडवल पुरवणारे कोणत्या भाषिक , जाती , धर्माचे असे अडचणीचे प्रश्न त्यांना पडतच नाहीत

हि तीच लोक आहेत ज्यांचा जागतिकीकरणाचा अभ्यास नाही , कुवत अंगी बाणवली नाही कि चिनी मालावर बहिष्कार वगैरे मांडणी करतात हि तीच लोक आहेत जी आपल्या जन्मगावापासून नोकरी / कामधंद्यासाठी स्वतःची मुळे उपटून कोठेही गेलेली नाहीत ; त्यांना कसलेच एक्सपोजर नाही , स्वतः कधीही स्थलांतरण केलेले नसल्यामुळे सर्व प्रकारच्या स्थलांतरितांना शत्रू मानतात खरेतर याना बहकवणारे लोक चांगले शिकलेले / सगळे काही समजणारे हुशार पण धूर्त लोक आहेत ; पण त्यांना ते काहीही शिकवणार नाहीत

कारण सतत भावनिक करता येणारी , छू म्हणताच अंगावर जाणारी माणसे त्यांना त्यांच्या संकुचित समाजकारणाची / राजकारणासाठी हवी आहेत