Covid | भारतात कोरोनाचे कोणताही घातक प्रकार नाही : केंद्रीय आरोग्य मंत्री
कोरोना विषाणूचा प्रादुर्भाव कमी झाल्यानंतर संपूर्ण जगाने सुटकेचा नि:श्वास सोडला आहे. दरम्यान, कोरोनाच्या एका नवीन प्रकाराने यूकेमध्ये (UK) दार ठोठावले आहे, ज्यामुळे लोक पुन्हा एकदा संकटात सापडले आहेत. मात्र, भारतातील कोरोनाच्या नव्या प्रकाराबाबत आरोग्यमंत्र्यांनी दिलासादायक बातमी दिली आहे.
देशात कोरोनाचा घातक प्रकार नाही
केंद्रीय आरोग्य मंत्री मनसुख मांडविया (Health Minister Mansukh Mandaviya) म्हणाले की, कोविडच्या नवीन प्रकाराबद्दल घाबरून जाण्याची आणि काळजी करण्याची गरज नाही. सध्या देशात कोणताही घातक प्रकार नाही. ते म्हणाले की, कोविडचे निरीक्षण करण्यासाठी जीनोम सीक्वेंसिंग (Genome Sequencing) सातत्याने केले जात आहे. अलीकडेच, ब्रिटनमध्ये (Britain) कोविडचा (Covid) एक नवीन उप-प्रकार दिसला आहे.
भारत जगातील फार्मसी फॅक्टरी बनेल
ते पुढे म्हणाले की, भारत वैद्यकीय तंत्रज्ञान आणि उपकरणांच्या क्षेत्रात जागतिक केंद्र बनत आहे. वैद्यकीय उपकरण हे एक उदयोन्मुख क्षेत्र आहे आणि पंतप्रधान मोदींच्या नेतृत्वाखाली वैद्यकीय उपकरणाच्या क्षेत्रात उत्पादन केंद्र निर्माण करण्यासाठी सर्व आवश्यक पावले उचलली जात आहेत. आरोग्यमंत्री म्हणाले की, भारत ही जगाची फार्मसी आहे आणि आता जगाची फॅक्टरी बनेल. देशाला फार्मा क्षेत्रात स्वयंपूर्ण बनवण्यासाठी तीन ड्रग पार्क आणि चार मेडिकल डिव्हाईस पार्क उभारले जात आहेत.
वैद्यकीय तंत्रज्ञान आणि उपकरणांसाठी वाढणारी बाजारपेठ
केंद्रीय आरोग्य मंत्री डॉ. मनसुख मांडविया म्हणाले की, भारत 2050 पर्यंत US$ 50 अब्जच्या बाजारपेठेसह वैद्यकीय तंत्रज्ञान आणि उपकरणांचे जागतिक केंद्र बनण्याच्या तयारीत आहे. राजधानीत इंडिया मेडटेक एक्स्पो २०२३ च्या उद्घाटन समारंभाला संबोधित करताना ते म्हणाले की, वैद्यकीय उपकरण क्षेत्र हे देशातील उदयोन्मुख क्षेत्रांपैकी एक मानले जाते. देशाला वैद्यकीय उपकरणांचे उत्पादन केंद्र बनवण्यासाठी पंतप्रधानांच्या नेतृत्वाखालील केंद्र सरकार सर्व शक्य पावले उचलत आहे.
ते पुढे म्हणाले की, "इंडिया मेडटेक एक्स्पो 2023 भारतातील वैद्यकीय उपकरण इकोसिस्टमची दृश्यमानता वाढवेल आणि भारतीय मेडटेक क्षेत्रासाठी एक ब्रँड म्हणून ओळख निर्माण करेल. हे उल्लेखनीय आहे की इंडिया मेडटेक एक्सपो 2023 हे गुजरातमधील गांधीनगर येथे 17-19 ऑगस्ट 2023 रोजी G20 आरोग्य मंत्र्यांच्या बैठकीच्या बाजूला आयोजित केले जाईल.
