Covid19: अमेरिकेला पूर्वपदावर आणण्यासाठी ट्रम्प यांचा त्रिस्तरीय कार्यक्रम

जागतिक महासत्ता असलेल्या अमेरिकेला कोरोनाच्या विषाणूनं मोठा धक्का दिला आहे. जगातील सर्वाधिक कोरोनाबाधीत रुग्ण अमेरिकेत आहेत आणि सध्या या रुग्णांची संख्या साडे सहा लाखांच्यावर पोहोचली आहे. तर मृतांची संख्या ३२ हजारांच्यावर पोहोचली आहे. दरम्यान कोरोनाबाधीत रुग्णांच्या संख्येनं कळस गाठला असल्याचं सांगत अमेरिकिचे राष्ट्राध्यक्ष डोनाल्ड ट्रम्प यांनी गुरूवारी अमेरिकेला पूर्वपदावर आणण्यासाठी त्रिस्तरीय कार्यक्रम जाहीर केला.

सर्व राज्यांच्या गव्हर्नर्ससाठी त्यांनी हा कार्यक्रम जाहीर केला असून त्या त्या राज्यातील परिस्थितीनुसार निर्णय घेण्याचे अधिकार गव्हर्नरला देण्यात आले आहे. राज्यांमधले ठप्प झालेले जनजीवन आणि व्यवहार पुन्हा सुरू करण्यासाठी तीन टप्प्यात हा कार्यक्रम राबवण्यात येणार आहे. पण या कार्यक्रम नेमका कधीपासून राबवला जाईल ते ट्रम्प यांनी स्पष्ट केलेले नाही.

अमेरिकेला पूर्वपदावर आणण्यासाठी त्रिस्तरीय कार्यक्रम

पहिला टप्पा- या टप्प्यात गर्दीच्या ठिकाणी सोशल डिस्टन्सिंग कायम राहणार आहे. तसंच दहाच्यावर नागरिकांना एकत्र येण्यास बंदी कायम राहणार आहे. पण यात ज्यांची प्रतिकार शक्ती कमी आहे किंवा ज्यांना संसर्ग होण्याचा धोका जास्त आहे त्यांना घरातच राहण्याचे आदेश देण्यात आले आहेत.

दुसरा टप्पा – नागरिकांनी अनावश्यक प्रवास करु नये

तिसरा टप्पा – प्रत्येकाने गर्दीत जाणे, गर्दी जमवणे टाळावे, बार आणि जिम यासारख्या ठिकाणी संसर्ग होणार नाही अशी व्यवस्था असली तरच ते सुरू करता येतील. पण यासाठी त्या त्या राज्यात कोरोनाबाधीत रुग्णांची संख्या कमी झालेली असावी आणि नवीन पॉझिटिव्ह रुग्ण आढळलेले नसावे अशी अट घालण्यात आली आहे.