कोरोनाशी लढा : देशात कोरोना रुग्णांची संख्या १३ हजारांच्यापुढे

संपूर्ण देशभरात गेल्या १२ तासात कोरोनाबाधताची संख्या १ हजार ७ ने वाढून आता १३ हजार ३८७वर पोहोचली आहे. तर आतापर्यंत ४३७ रुग्णांचा मृत्यू झाला आहे. तर या रुग्णांपैकी १ हजार ७४८ रुग्ण उपचारानंतर बरे झाले असून त्यांना डिस्चार्ज देण्यात आला आहे. तर देशात सर्वाधिक कोरोना रुग्ण असलेल्या महाराष्ट्रात आता ही संख्या ३ हजार २०० वर पोहोचली असून आतापर्यंत १९४ रुग्णांचा मृत्यू झाला आहे. तर मुंबईत सर्वाधिक २ हजार ७३ रुग्ण असून ११७ रुग्णांचा मृत्यू झाला आहे. महाराष्ट्रानंतर देशात सर्वाधिक रुग्णसंख्या दिल्लीमध्ये आहे. इथे कोरोनाबाधीत रुग्णांची संख्या १६४९वर पोहोचली आहे.