तुर्कस्तानमध्ये 7.4 तीव्रतेचा भूकंप ; 53 जणांचा मृत्यू

'तुर्की'मध्ये पुन्हा एकदा भूकंपाचे जोरदार धक्के जाणवले आहेत. 'तुर्की' (Turkey) भूकंपाने हादरले असून आतापर्यंत 53 जणांचा मृत्यू झाला आहे. तुर्कीमध्ये ७.६ रिश्टर स्केलचा भूकंप झाला असून अनेक इमारती कोसळल्या आहेत. इमारत कोसळल्याने अनेकांचा मृत्यू झाला असून, मृतांचा आकडा आणखी वाढण्याची शक्यता आहे. आणि सुमारे एक मिनिटभराच्या भूकंपामुळे अनेक इमारती पुन्हा कोसळल्या आहेत. याआधी रविवारी रात्री तुर्कस्तानमध्ये ७.८ रिश्टर स्केलच्या भूकंपामुळे १३०० जणांचा मृत्यू झाल्याची पुष्टी झाली असून ५,००० हून अधिक लोक जखमी झाले आहेत. स्थानिक वेळेनुसार पहाटे 4:17 वाजता भूकंपाचे धक्के जाणवले.

भूकंप सुमारे 17.9 किलोमीटर (11 मैल) खोलीवर आला. दरम्यान, USGS ने 15 मिनिटांनंतर पहिल्या स्थानावर आणखी 6.7-रिश्टर स्केलचा भूकंप नोंदवला. 'गॅझियानटेप' ('Gaziantepe') हा सीरियाच्या सीमेला लागून असलेला दक्षिणेकडील प्रदेश आहे. हे 'तुर्की'च्या प्रमुख औद्योगिक आणि उत्पादन केंद्रांपैकी एक आहे. एएफपीच्या (AFP) वृत्तानुसार, लेबनॉन (Lebanon), सीरिया (Syria) आणि सायप्रस(Cyprus) येथे भूकंपाचे धक्के जाणवले आहेत. 'तुर्की'मधील अधिकाऱ्यांनी अद्याप अधिकृतपणे जखमी किंवा मृत्यूची नोंद केलेली नाही. मात्र भूकंपानंतरचे अनेक व्हिडिओ सोशल मीडियावर व्हायरल झाले असून त्यात मोठे नुकसान झाल्याचे पाहायला मिळत आहे. अनेक इमारती कोसळल्या आहेत आणि त्याखाली लोक अडकल्याची भीती व्यक्त होत आहे. त्यामुळे मृतांचा आकडा खूप वाढू शकतो अशा शंका निर्माण होत आहे.

या सर्व ठिकाणी बचावकार्य सुरू आहे. आवश्यक औषधांसह प्रशिक्षित डॉक्टर आणि पॅरामेडिक्ससह वैद्यकीय पथकेही तयार केली जात आहेत. 'तुर्की' सरकार आणि अंकारा येथील भारतीय दूतावास आणि इस्तंबूलमधील वाणिज्य दूतावास कार्यालय यांच्या समन्वयाने मदत सामग्री पाठवली जाईल.

तुर्की जगातील सर्वात सक्रिय भूकंप क्षेत्रांपैकी एक आहे. 1999 मध्ये तुर्कस्तानमध्ये सर्वात मोठा भूकंप झाला होता. हा भूकंप 'डुझे' (Duzce) प्रांतात झाला होता. या भूकंपात तब्बल 17 हजार लोकांचा मृत्यू झाले होते. यामध्ये इस्तंबूलमधील 1000 लोकांचा समावेश होता. तज्ज्ञांनी असा इशारा दिला आहे की इस्तंबूल, जेथे सुरक्षिततेची खबरदारी न घेता मोठ्या इमारतींना परवानगी आहे, मोठ्या भूकंपामुळे नष्ट होऊ शकते.