UP Election: सत्तेत आल्यावर मुलींना स्मार्ट फोन आणि इलेक्ट्रॉनिक स्कूटी देणार, प्रियंका गांधींची घोषणा
सध्या उत्तर प्रदेशमध्ये आगामी विधानसभा निवडणुकांचा प्रचार जोरदार सुरु आहे. नुकतंच प्रियंका गांधी यांनी काँग्रेस येणाऱ्या निवडणुकांमध्ये ४० टक्के महिलांना उमेदवारी देणार असल्याचं जाहीर केलं आहे.
त्यांच्या 'लडकी हूँ... लड सकती हूँ' या घोषणेनं अनेकांचं लक्ष वेधून घेतलं असतानाच आता प्रियंका गांधी यांनी शालेय मुलींसाठी आणखी एक घोषणा केली आहे.
सध्या प्रियंका उत्तर प्रदेशातील अनेक गावांना भेट देत आहे. या दरम्यान त्या शाळेतील विद्यार्थींना भेटल्या असता मुलींना त्यांच्यासोबत सेल्फी घ्यावयाचा होता. मात्र, मुलींकडे स्मार्टफोन नसल्याचं निदर्शनास आल्यानं त्यांनी मुलींना विचारलं तुम्हाला मोबाईल हवा का? तेव्हा मुली म्हणाल्या सुरक्षितेसाठी मोबाईल हवा आहे. त्यावर प्रियंका गांधी यांनी मोबाईल देण्याची हमी त्यांना दिली. यावर ट्विट करत त्यांनी उत्तर प्रदेशमध्ये काँग्रेसची सत्ता आल्यानंतर मुलींना स्मार्टफोन आणि इलेक्ट्रॉनिक स्कूटर दिली जाणार असल्याची घोषणा केली आहे.
प्रियंका गांधी यांनी ट्विट मध्ये काय म्हटलं?
कल मैं कुछ छात्राओं से मिली। उन्होंने बताया कि उन्हें पढ़ने व सुरक्षा के लिए स्मार्टफोन की जरूरत है।
— Priyanka Gandhi Vadra (@priyankagandhi) October 21, 2021
मुझे खुशी है कि घोषणा समिति की सहमति से आज UP कांग्रेस ने निर्णय लिया है कि सरकार बनने पर इंटर पास लड़कियों को स्मार्टफोन और स्नातक लड़कियों को इलेक्ट्रानिक स्कूटी दी जाएगी। pic.twitter.com/hoW5DfhS3f
दरम्यान लडकी हूँ लड सकती हूँ यासंदर्भात युपी फक्त सुरुवात आहे असं राहुल गांधी यांनी ट्विट केलं आहे. काय म्हटलं राहुल गांधी यांनी…
देश की बेटी कहती है-
— Rahul Gandhi (@RahulGandhi) October 21, 2021
अपनी मेहनत से
शिक्षा की ताक़त से
सही आरक्षण से
मैं आगे-आगे बढ़ सकती हूँ#लड़की_हूँ_लड़_सकती_हूँ!
यूपी सिर्फ़ शुरुआत है।
दरम्यान प्रियंका गांधी यांच्या या घोषणेचे पुन्हा एकदा राजकीय वर्तुळात मोठी चर्चा सुरु आहे.
