भविष्य नसलेले इतिहासाकडे बोट दाखवतात, राहुल गांधींचा टोला कुणाला?

ज्यांचे भविष्य शून्य असते ते इतिहासात डोकावतात असा टोला राहुल गांधी (rahul gandhi) यांनी पंतप्रधान मोदी (narendra modi) यांना लगावला आहे. भारत जोडो यात्रे दरम्यान घेतलेल्या पत्रकार परिषदेत राहुल गांधी यांनी मोदी सरकारवर जोरदा टीका केली. सरकारकडे दाखवण्यासारखे काही नसल्याने ते केवळ नावं बदलण्याचे धोरण राबवत आहेत, असा आरोपही त्यांनी केला आहे.

एवढेच नाही तर काँग्रेस सोडून जाणाऱ्या नेत्यांना रोखण्याचा प्रयत्न राहुल गांधी का करत नाही, असा प्रश्न पत्रकारांनी विचारला. त्यावर माझ्यापेक्षा भाजपने त्यांच्यावर विविध मार्गांनी टाकलेला दबाव जास्त असल्याने मी काही करु शकत नाही, असा आरोप केला. त्याचबरोबर काँग्रेस (congress)अध्यक्षपदाच्या निवडणुकीबाबत आपला निर्णय झाला आहे, आणि निवडणुकीच्या वेळी तो सगळ्यांना कळेल असेही राहुल गांधी यांनी म्हटले आहे.