राहुल गांधी यांना कोरोना पंतप्रधान नरेंद्र मोदींचे ट्वीट

कॉंग्रेस अध्यक्ष राहुल गांधी यांना कोरोना झाला आहे. या संदर्भात त्यांनी ट्वीट करुन माहिती दिली आहे. राहुल गांधी यांनी आपल्या ट्वीटमध्ये म्हणतात... मला कोरोनाची सौम्य लक्षण आढळल्यानंतर मी टेस्ट केली. त्या टेस्टचा रिपोर्ट पॉझिटीव्ह आल्याचं राहुल यांनी म्हटलं आहे. माझ्या संपर्कात आलेल्या सर्वांनी कोरोनाच्या नियमांचे पालन करावे आणि सुरक्षित राहावे. असं राहुल गांधी यांनी ट्वीटमध्ये म्हटलं आहे. राहुल गांधी यांना कोरोना झाल्यानंतर पंतप्रधान नरेंद्र मोदी यांनी ट्वीट केले आहे. ते म्हणतात... लोकसभा खासदार राहुल गांधी यांना आराम मिळावा म्हणून मी प्रार्थना करतो. असं पंतप्रधान नरेंद्र मोदी यांनी आपल्या ट्वीटमध्ये म्हटलं आहे. दरम्यान देशात गेल्या 24 तासात सुमारे २ लाख ७३ हजार ८१० नवीन कोरोनाचे रुग्ण समोर आले आहेत. यामध्ये १ हजार ६१९ लोकांचा मृत्यू झाला आहे. गेल्या २४ तासात १ लाख ४४ हजार १७८ रुग्णांना डिस्चार्ज देण्यात आलेला आहे. सध्या देशातील एकूण कोरोना रुग्णांची संख्या १ कोटी ५० लाख ६१ हजार ९१९ वर गेली आहे. देशात सध्या Active रुग्णांची संख्या १९ लाख २९ हजार ३२९ इतकी आहे.