सक्तवसुली संचालनालयाच्या चौकशीसाठी परिवहन मंत्री अनिल परब उपस्थित राहणार?

मुंबई  :  राज्याचे परिवहन मंत्री अनिल परब यांना आज सक्तवसुली संचालनालयाने (ईडी) चौकशीसाठी कार्यालयात हजर राहण्याबाबत दुसऱ्यांदा नोटीस बजावली आहे. पण ते या चौकशीला गैरहजर राहण्याची शक्यता वर्तविण्यात येत आहे.  ईडीने परब यांना शुक्रवारी दुसरे समन्स बजावले. त्यानुसार त्या आज मंगळवारी 11  वाजता ईडीच्या कार्यालयात हजर राहण्याची सूचना करण्यात आली आहे.

याआधी २९ ऑगस्टला पहिल्यांदा दिलेल्या नोटीसमध्ये केवळ 'इन्व्हेस्टिगेशन पार्ट' इतकेच नमूद करून चौकशीसाठी हजर राहण्याची सूचना देण्यात आली होती, मात्र, त्यावेळी परब यांनी पूर्व नियोजित कार्यक्रमामुळे उपस्थित राहणे शक्य नसल्याचे म्हटले होते. त्यांच्याकडे १०० कोटी वसुली प्रकरण व सचिन वाझे याने लिहिलेल्या पत्रात बीएमसी कंत्राटदाराकडून वसुली करण्याबाबत परब यांनी सूचना केल्याचे नमूद केले आहे. त्यानुसार परब यांच्याकडे ही चौकशी केली जाणार असल्याचे समजतं आहे.